ଝୁରି ମରୁ ଅଛି ରାଇ
ଝୁରି ମରୁ ଅଛି ରାଇ
ବିରହ ପ୍ରେମରେ ବାହୁନି ବାହୁନି
ଝୁରି ମରୁ ଅଛି ରାଈ
ମିଛ ପ୍ରତିଶୃତି ଦେଇ କରି ତୁମ୍ଭେ
ଚାଲି ଗଲ କାହିଁ ପାଇଁ
ଆଖିର ଲୁହରେ ପଣତ ଭିଜୁଛି
ତୁମ ଫେରା ବାଟ ଚାହିଁ
ବିରହ ପ୍ରେମରେ ବାହୁନି ବାହୁନି
ଝୁରି ମରୁ ଅଛି ରାଈ ।
କାଳିନ୍ଦୀ ର ତଟେ କଦମ୍ବ ର ମୂଳେ
ଖୋଜେ ସେ ତୁମକୁ ଯାଇ
ବଂଶୀ ର ତାନଟି ଶୁଣି ଦେଲେ ଥରେ
ଯାଏ ସେହି ଦିଗେ ଧାଇଁ
ପାଗଳୀ ପରିକା ହେଉଥାଏ ଖାଲି
ଚାରିଆଡ଼େ ଚାହିଁ ଚାହିଁ
ବିରହ ପ୍ରେମରେ ବାହୁନି ବାହୁନି
ଝୁରି ମରୁ ଅଛି ରାଈ ।
ଅନ୍ନ କି ଖାଇବ ଜଳ ଟୋପେ ସୁଧ୍ୟା
ତୁଣ୍ଡେ ତାର ବାଜେ ନାହିଁ
ନିଘଞ୍ଚ ଜଙ୍ଗଲ ବୃକ୍ଷ ମୂଳେ ବସି
କାନ୍ଦୁ ଥାଏ କଇଁ କଇଁ
ଅକୃରର ସେହି ବାହୁଡ଼ା ରଥକୁ
ବସିଛି ସେହି ଅନାଇ
ବିରହ ପ୍ରେମରେ ବାହୁନି ବାହୁନି
ଝୁରି ମରୁ ଅଛି ରାଈ ।