କାହିଁ ଚାଲି ଗଲ

 

କାହିଁ ଚାଲିଗଲ ପାଗଳ ସଜାଇ

ଛାଡ଼ି ମୋର ଦୁଇ ହାତ

ଶରୀର ଜଳୁଛି ମନ କୁହୁଳୁଛି 

ଜୀବନ ଲାଗେନା ସତ

ନୟନୁ ମୋ ବହେ ରକ୍ତ ସମ ଅଶ୍ରୁ

ଜଞ୍ଜାଳେ ମୁଁ ଜର୍ଜରିତ

କାହିଁ ଚାଲି ଗଲ ପାଗଳ ସଜାଇ

ଛାଡ଼ି ମୋର ଦୁଇ ହାତ .................

ଆଖି ଲହୁ ସବୁ ଓଠ ପିଇ ଯାଏ

ଦୁଃଖ ସାଜେ ମୋ ସଙ୍ଗାତ

ଛାତିର ଯନ୍ତ୍ରଣା ମନର ବେଦନା 

କା ଆଗେ କରିବି ବ୍ୟକ୍ତ

ଭାଙ୍ଗି ଦେଲା ମୋର ମନ ବାଲିଘର

ନଦୀର କରାଳ ସ୍ରୋତ

କାହିଁ ଚାଲିଗଲ ପାଗଳ ସଜାଇ 

ଛାଡ଼ି ମୋର ଦୁଇ ହାତ ................

ଅତୀତର ସେହି ଅଭୁଲା ମୁହୂର୍ତ୍ତ

ମନେ ପଡୁଛି ବହୁତ

ଦେହରେ ଲାଗିଛି ଏପରି ଆଘାତ

ଶୁଖୁ ନାହିଁ ସେହି କ୍ଷତ

ଜୀବନ ସାଥି ଗୋ କେଉଁଠି ରହିଛ

ଝୁରୁଛି ତତେ ତୋ ମିତ

କାହିଁ ଚାଲି ଗଲ ପାଗଳ ସଜାଇ

ଛାଡ଼ି ମୋର ଦୁଇ ହାତ .................