ମାଇପ ଉପରେ ପାଇକ ସାଜିକି

ମାଇପ ଉପରେ ପାଇକ ସାଜିକି

ପାଇଅଛୁ କେଉଁ ଲାଭ

ଘରୁ ବାହାରକୁ ପାଦ ଦେଉ ଦେଉ

ଦେଖେଇ ହେଉଛୁ ସଭ୍ୟ

ବିରୁଦ୍ଧରେ ତୋର କହିଦେଲେ କିଏ

ତା ଉପରେ ହେଉ କ୍ଷୋଭ

ମାଇପ ଉପରେ ପାଇକ ସାଜିକି

ପାଉଅଛୁ କେଉଁ ଲାଭ।

 ସେହି ନାରୀଟିର ବିକଳ କ୍ରନ୍ଦନ

କେତେ ଦୁଃଖଦାୟ ସତେ

ଅନେକ ଯନ୍ତ୍ରଣା ପାଇ କରି ସିଏ

କିଛି ନ କହଇ ତୋତେ

ନାରୀଟିଏ ଯଦି କାନ୍ଦଇ ସର୍ବଦା

ଆଦୌ ନୁହେଁରେ ଯେ ଶୁଭ

ମାଇପ ଉପରେ ପାଇକ ସାଜିକି 

ପାଉଅଛୁ କେଉଁ ଲାଭ ।

ହାତରେ ପାଉଛୁ ଯାହା କିଛି ବସ୍ତୁ

ନିର୍ଦ୍ଦୟେ କରୁ ପ୍ରହାର

ଭୁଲି ଯାଉଅଛୁ ସାବିତ୍ରୀ ବ୍ରତରେ

ସେ ତେତେ କରେ ଜୁହାର

ଏହି କଥାସବୁ ମନେ ଚିନ୍ତାକରି

ପରିତ୍ୟାଗ କର ଲୋଭ

ମାଇପ ଉପରେ ପାଇକ ସାଜିକି

ପାଉଅଛୁ କେଉଁ ଲାଭ ।