ଜଗନ୍ନାଥ ଦାସ

ଜଗନ୍ନାଥ ଦାସ ସନ୍ଥ ମହା ପଣ୍ଡିତ

ଭକ୍ତି ଯୁଗ ପଞ୍ଚଶଖା ମଧ୍ୟରେ ଶ୍ରେଷ୍ଠ ।

ଜଗନ୍ନାଥଙ୍କର ସେତ ପରମ ଭକ୍ତ

ସାହିତ୍ୟ ସାଧକ ମୁଖୁ ଜ୍ୟୋତି ପ୍ରକଟ ।

ଶ୍ରୀଚୈତନ୍ୟ ଦେଇଥିଲେ ତାଙ୍କୁ ଉପାଧି

ଅତିବଡି ଯେଣୁ ସେତ ଜ୍ଞାନ ବାରିଧି ।

ଜଗନ୍ନାଥ ଦାସଙ୍କର ଅମର କୃତି

ଓଡ଼ିଆ ଭାଗବତ ସେ ପବିତ୍ର ପୋଥି ।

 ଭାଗବତ ଅଟେ ସେତ ମହା ପୁରାଣ

ସାସ୍ତ୍ରିୟ ଭାଷାରେ ଆମ ସାସ୍ତ୍ର ମହାନ ।

ଭାଗବତ ଭାବଭରା ଭାବ ଜୀବନ

 ସା°ସ୍କୃତିକ ସମ୍ବିଧାନ ଭାବ ବନ୍ଧନ ।

ଓଡ଼ିଆ ଭାଷା ସାହିତ୍ୟ କଳା ସ°ସ୍କୃତି

ପରମ୍ପରା ଧର୍ମଧାରା ସ୍ନେହ ସମ୍ପ୍ରତି ।

ଭାଗବତ ବାରଭାଗ ବାର ସ୍କନ୍ଦଟି

ତିନିଶହ ପଞ୍ଚଷଠି ଅଧ୍ୟାୟ ସେଥି ।

ପ୍ରତିଦିନ ଯିଏ ଭାଗବତ ପଢେଟି

ଧନଧାନ୍ୟେ ଘର ଭରେ ମିଳଇ ଶାନ୍ତି ।

ଖାଲଢିପ ଭରା ତାଙ୍କ ଜୀବନ ପଥ

ଭକ୍ତ ଶିରୋମଣି ସେ ଜଗନ୍ନାଥ...

ଗ୍ରାମ ଏକ ଶ୍ରୀକ୍ଷେତ୍ରରୁ ଅଳପ ଦୂର

ବ୍ରାହ୍ମଣ ଶାସନ କପିଳେଶ୍ୱର ପୁର ।

ଭଗବାନ ଦାଶ ନାମେ ପୂରାଣ ପଣ୍ଡା

ପୂରାଣ ପଢନ୍ତି ବୁଲି ସେ ଗାଁ ଗଣ୍ଡା ।   

ଧର୍ମ ପରାୟଣା ତାଙ୍କ ପତ୍ନୀ ଅଟନ୍ତି

ଜଗନ୍ନାଥଙ୍କ ଭକତ ସେ ପଦ୍ମାବତୀ ।

ବହୁଦିନ ଧରି ଯେ ହେଲାନି ସନ୍ତାନ

ମହାପ୍ରଭୁଙ୍କ ପାଦରେ ପସିଲେ ଶରଣ ।

ପ୍ରଭୁଙ୍କୁ ସେ ମନକଥା କହିଲେ ଯାଇ

ଜଗନ୍ନାଥ ଜଗନ୍ନାଥ ନାଁ ସଦା ଧ୍ୟାଇ ।

କ୍ରମେକ୍ରମେ ବିତିଗଲା ଦିବସ ମାସ

ପଦ୍ମାବତୀ ଦେବୀ ହୋଇଲେ ଗର୍ଭବାସ ।

ଭାଦ୍ରବ ଶୁକ୍ଳପକ୍ଷ ରାଧାଷ୍ଟମୀ ଦିନ 

ପଦ୍ମାବତୀ ପ୍ରସବିଲେ ପୁତ୍ର ସନ୍ତାନ ।

ରାଧାଙ୍କର ଯାହାଥିଲା ନକ୍ଷତ୍ର ତିଥି

ଅବିକଳ ତାହାଥିଲା ଶିଶୁର କୋଷ୍ଟି ।

ରାଧା ଅ°ଶାବତାର କହିଲେ ପଣ୍ଡିତ

ହେବ ଦିନେ ନିଶ୍ଚେ ସେ ଜଗତରେ କ୍ଷାତ ।

ଜଗନ୍ନାଥ ଙ୍କ କୃପାରୁ ପୁତ୍ର ପ୍ରାପତ

ଭଗବାନ ନାଁ ଦେଲେ ଜଗନ୍ନାଥ ...

ଗାଁ ଅବଧାନଙ୍କର ଚାଟଶାଳୀରେ

ଜଗନ୍ନାଥ ଲେଖାପଢ଼ା ଶିକ୍ଷା କରିଲେ ।

ପିତା କରୁଥିଲେ ଯେଣୁ ପୁରାଣ ଚର୍ଚ୍ଚା

ପିଲାବେଳୁ ପାଠ ପ୍ରତି ପ୍ରବଳ ଇଛା ।

ପିତାଙ୍କଠୁ ଜାଣିଲେ ସେ ଅମରକୋଷ

ସ°ସ୍କୃତ ବ୍ୟାକରଣ ବାକ୍ୟ ବିନ୍ୟାସ ।

 ବେଦ ଉପନିଷଦ କଲେ ଅଧ୍ୟୟନ

ସ°ସ୍କୃତ ମହାଭାରତ ସେ ରାମାୟଣ ।

ଅଳପ ବୟସରୁ କରିଲେ ବାଖ୍ୟାନ

ବେଦ ବେଦାନ୍ତ ପୁଣି କେତେ ଉପାଖ୍ୟାନ ।

ଶୋଳ ବର୍ଷ ବୟସେ ପିତାଙ୍କୁ ହାରିଲେ

ତାପରେ କିଛିକାଳ ଗୃହରେ ରହିଲେ ।

ଉଣେଇଶ ବର୍ଷ ଯେବେ ହେଲା ବୟସ

ଗୃହତ୍ୟାଗୀ ହୋଇଲେ ଜଗନ୍ନାଥ ଦାସ ।

ବୈଷ୍ଣବ ଧର୍ମ ଧରାରେ ହେଲେ ଦୀକ୍ଷିତ

ସବୁ ତ ମାୟା ସତ ଏକା ଜଗନ୍ନାଥ ।

ଅଦ୍ୱେତବାଦର ସେ କରିଲେ ପ୍ରଚାର

ସବୁରି ମୂଳେ ଏକା ଜଗନ୍ନାଥ ସାର ।

ଜଗନ୍ନାଥ ଜ୍ଞାନଧ୍ୟାନ ଅମୃତ ମୟ

ଅନନ୍ତ ଅସୀମ ବିଶ୍ୱ ବିସ୍ମୟ....

ସ°ସ୍କୃତ ପୁରାଣ ମହାଭାରତ ଗୀତା

ପାରନ୍ତିନି ବୁଝି ଗାଁ ଗହଳେ ଶ୍ରୋତା ।

ପୁରାଣ ପଣ୍ଡା ମାନେ ପଢନ୍ତି ଶୁଣାନ୍ତି

ଓଡ଼ିଆ ରେ ସ°ସ୍କୃତ ର ବାଖ୍ୟା କରନ୍ତି ।

ଶ୍ରୋତାଏ ହୁଅନ୍ତି ତୋଷ ଶୁଣି ପୁରାଣ

ପଣ୍ଡାଙ୍କୁ ଦିଅନ୍ତି ସେତ ଦକ୍ଷିଣା ଜାଣ ।

ପୁରାଣ ପଣ୍ଡାଙ୍କର ଜୀବିକାଟି ସେହି

ପରିବାର ଚଳାନ୍ତି ଦକ୍ଷିଣା ତ ନେଇ ।

ଜଗନ୍ନାଥ ଦାଶଙ୍କ ମାତା ପଦ୍ମାବତୀ

ପୁରାଣ ଶୁଣିବାକୁ ଇଛାଯେ କରନ୍ତି ।

ସ୍ୱାମୀଙ୍କ ହୋଇବାରୁ ଅକାଳ ମରଣ

ପୁରାଣ ଶୁଣିବା ହେଲା ତାଙ୍କୁ ତ ସପନ !

ଭାଗବତ ଶୁଣିବାକୁ ମାଆଙ୍କର ମନ

ଦକ୍ଷିଣା ଦେବାକୁ ନାହିଁ ହାତରେ ଧନ ।

ଜଗନ୍ନାଥ ଭକ୍ତିରେ ପ୍ରଭୁଙ୍କୁ ଭଜିଲେ

ସ°ସ୍କୃତ ଭାଗବତ ଅନୁବାଦ କଲେ ।

ସରଳ ଓଡ଼ିଆ ସେ ନବାକ୍ଷରୀ ଛନ୍ଦ

ଗୋବିନ୍ଦ ଗୋବିନ୍ଦ ଝରଇ ମକରନ୍ଦ ।

ପଙ୍ଗୁ ଲ°ଘଇ ଗିରି ଚକ୍ଷୁ ପାଏ ଅନ୍ଧ

ଶୁଣିଣ ଭାଗବତ ବାର ସ୍କନ୍ଦ ।

 ପଣ୍ଡାଙ୍କ ଡରେ ବିପ୍ର ଜଗନ୍ନାଥ ଦାଶ

ଶୁଣାନ୍ତି ଭାଗବତ ହୋଇ ନାରୀ ବେଶ ।

ନାରୀମାନେ ବସନ୍ତି ବେଢି ଚଉପାଶ

ଓଡ଼ିଆ ଭାଗବତ ଶୁଣି ସବୁ ତୋଷ ।

ପୁରାଣ ପଣ୍ଡାଙ୍କର ହୋଇଲାଯେ କ୍ଷତି 

ରାଜାଙ୍କ ପାଖରେ ପଣ୍ଡା କରିଲେ ଆପତ୍ତି ।

ବଡ ଲମ୍ପଟ ସେହି ଜଗନ୍ନାଥ ଦାଶ

ନାରୀଙ୍କ ମେଳେ ରହେ ହୋଇ ନାରୀ ବେଶ।

ରାଜଦରବାରେ ରାଜା ଦାଶେଙ୍କୁ ଡାକିଲେ

ସର୍ବ ସମକ୍ଷରେ ତାଙ୍କ ବିଚାର କଲେ।

ରାଜଦରବାରେ ବିଚାରା ବିପ୍ର ଦାଶ

କହିଲେ ଛାମୁ ହେ ମୋର ନାହିଁ ତ ଦୋଷ ।

ନୁହେଁ ମୁଁ ଲମ୍ପଟ ମୁଁ ବାଳ ବ୍ରହ୍ମଚାରୀ

ପୁରାଣ ପଣ୍ଡାଙ୍କ ଭୟେ ନାରୀବେଶ ଧରି ,

ଓଡିଆରେ ଭାଗବତ ବଖାଣଇ ମୁହିଁ

ନାରୀମାନେ ଶୁଣିଥାନ୍ତି ଭାବେଭୋଳ ହୋଇ ।

ଏ କଥାକୁ ରାଜା ଯେ ତାଛଲ୍ୟ କରିଲେ

ତକ୍ଷଣେ ନାରୀ ବେଶ ହେବାକୁ କହିଲେ ।

ନାରୀବେଶ ଯେହେତୁ ସମ୍ଭବ ନୋହିଲା

ଦାଶେଙ୍କୁ ସେହିଠାରେ ବନ୍ଦୀ କରାଗଲା ..….

 କାରାଗାରେ ଜଗନ୍ନାଥ ଦାଶ ବିଚାରା

ପ୍ରଭୁଙ୍କୁ ଭଜୁଥାନ୍ତି ଢାଳି ଲୁହ ଧାରା ।

କାରାଗାରରେ ବନ୍ଦୀ ଭକ୍ତ ଶିରୋମଣି

ଅଥୟ ହେଲେ ଏଣେ ମହାପ୍ରଭୁ ଜାଣି ।

ରାଜାଙ୍କୁ ସ୍ୱପ୍ନେ ମହାପ୍ରଭୁ ଦେଖାଦେଲେ 

ନିର୍ଦ୍ଦୋଷ ମୋ ଭକ୍ତ ରାଜାଙ୍କୁ କହିଲେ ।

ଓଡିଆ ରେ ଲେଖିଅଛି କଥା ଅମୃତ

ଅନୁବାଦ କରି ସ°ସ୍କୃତ ଭାଗବତ ।

କରିନାହିଁ ଦୋଷ ସେ ମୋହରି ଭକତ

ସସମ୍ମାନେ ପ୍ରଭାତେ କର କାରା ମୁକ୍ତ ।

ଭକ୍ତ ପାଇଁ ଆସିଥିଲେ କଳା ଠାକୁର

ଚମକି ଉଠିଲେ ରାଜା ପ୍ରତାପରୁଦ୍ର ।

ରାତି ନପାହୁଣୁ ସେତ ପଠାଇଲେ ଦୂତ

ସସମ୍ମାନେ ଦାଶଙ୍କୁ କଲେ କରାମୁକ୍ତ ।

ଜଗନ୍ନାଥ ଦାଶ ସେ ଭକତ ପରମ

ରାଜାଙ୍କର ତୁଟିଗଲା ମନରୁ ଭ୍ରମ ।

ଜଗନ୍ନାଥ ଦାଶଙ୍କୁ ସେ ଗୁରୁ କରିଲେ

ତାଙ୍କ ସେବା ଯତ୍ନ ପାଇଁ ଧ୍ୟାନ ସେ ଦେଲେ ।

ଓଡ଼ିଆ ଭାଗବତ ହୋଇଲାତ କ୍ଷାତ

କ୍ଷାତହେଲେ ସେ ବିପ୍ର ଜଗନ୍ନାଥ ..

ଓଡ଼ିଆ ଭାଗବତ ଅମର କୀରତି

ଆମ ଭାଷା ଗଉରବ ଦାଶ ଙ୍କ କୃତି ।

ଗୋପ ବୃନ୍ଦାବନ ଲିଳା କୃଷ୍ଣ ଚରିତ

ଆଦିମୂଳ ମହାପ୍ରଭୁ ଶ୍ରୀଜଗନ୍ନାଥ ।

ଶୋଳକଳା ଚକାଡୋଳା ଜଗତ ସାଇଁ

ତହୁଁ କଳାଏ କଳା କଳା କହ୍ନେଇ ।

 ରସାମୃତ ଭରା କେତେ ପୁରାଣ ପୋଥି

ବିପ୍ର ଜଗନ୍ନାଥ ଦାଶ ଲେଖିତ ଛନ୍ତି ।

ବ୍ରହ୍ମ ଗୀତା ଗୁପ୍ତ ଗୀତା ଅର୍ଥ କୋଇଲି       

କୃଷ୍ଣ ଭକ୍ତି କଳ୍ପଲତା ରସମଞ୍ଜରୀ ।

କେତେ ଚଉତିଶା କେତେ ଭକ୍ତି ସଙ୍ଗୀତ

ରଚନା ରେ ଭାଷା ଆମ ହୋଇଛି ପୁଷ୍ଟ ।

ତୁଳାଭିଣା ଏକମାତ୍ର ଗଦ୍ୟ ରଚନା

ଜୀବନ ଦର୍ଶନ ତତ୍ତ୍ୱ ଯହିଁ ବର୍ଣ୍ଣନା ।

ମହାପ୍ରଭୁଙ୍କର ଯେବେ ଦର୍ଶନ ପାଇଁ

ଶ୍ରୀକ୍ଷେତ୍ରେ ଆସୁଥିଲେ ଚୈତନ୍ୟଗୋସାଇଁ,

ଜଗନ୍ନାଥ ଦାଶଙ୍କର ସହିତ ମିଶି

ତତ୍ତ୍ୱ ଆଲୋଚନା କରୁଥିଲେ ସେ ବସି ।

ଦେଖି ତାଙ୍କ ଜ୍ଞାନ ଧ୍ୟାନ ଭାବ ବାରିଧି

ଚୈତନ୍ୟ ଦେଲେ ଅତିବଡି ଉପାଧି .…

ଅତିବଡି ଜଗନ୍ନାଥ ଭକ୍ତ ପରମ

ସିନ୍ଧୁ ତଟେ ବସାଇଲେ ତାଙ୍କ ଆଶ୍ରମ ।

ମହାପ୍ରଭୁଙ୍କ ନାମ ଭଜନ କିର୍ତ୍ତନ 

ବାଧକ ହୋଇଲା ତହିଁ ସାଗର ଗର୍ଜନ ।

 ଜଗନ୍ନାଥ ପ୍ରଭୁଙ୍କୁତ ପ୍ରାଥନା କଲେ

ମହାପ୍ରଭୁ ଭକ୍ତ ଦୁଃଖ ବୁଝି ପାରିଲେ ।

ସାଗର ରାଜାଙ୍କୁ ପ୍ରଭୁ ଆଦେଶ ଦେଲେ

ଦୂରେ ଘୁଞ୍ଚି ଯିବାପାଇଁ ତାଙ୍କୁ କହିଲେ ।

ସାତସ୍ତର ଲହଡି ଯାଏ ସେ ସାଗର

ଘୁଞ୍ଚି ଯାଇ ପ୍ରଭୁଙ୍କୁ ସେ କଲେ ଯୁହାର ।

ଖୁସିରେ ଜଗନ୍ନାଥ ଭାବେହୋଇ ବାଇ

କିର୍ତ୍ତନେ ମଗନ ପ୍ରଭୁ ନାମକୁ ଧ୍ୟାଇ ।

ସେହିଦିନୁ ଦାଶଙ୍କର ସେହି ଆଶ୍ରମ

ସାତଲହଡି ମଠ ହୋଇଲା ନାମ ।

ମାଘ ସପ୍ତମୀ ଭଳି ପବିତ୍ର ତିଥିରେ

 କିର୍ତ୍ତନରେ ଜଗନ୍ନାଥ ମଗ୍ନଯେ ଥିଲେ ।

ସେ ଶୁଭ ବେଳାରେ ସେ ହାରିଲେ ଜୀବନ

ଆତ୍ମା ପରମାତ୍ମା ଙ୍କ ଠାରେ ହେଲା ଲୀନ ।

ସାତଲହଡି ମଠେ ଅଛି ସମାଧି ତାଙ୍କର

 ଓଡିଆଙ୍କ ପାଇଁ କ୍ଷେତ୍ର ସେ ପବିତ୍ର ...