ଈଶ୍ବର
ଈଶ୍ବର
1 min
309
ଦେବତା ମାନବ ଯେବେ ଭେଟେ ପରସ୍ପର
କହନ୍ତି ମୁ ତୋର ଆଉ ତୁ ମୋର ଈଶ୍ବର
ଈଶ୍ବର ଶରୀରଧାରୀ ଅବା ଅଶରୀର
ସୃଷ୍ଟି ସ୍ଥିତି ସଂହତିର ସେ ଅବିନଶ୍ବର।
କାଷ୍ଠରେ ପ୍ରସ୍ତରେ ଅବା ଚିତ୍ରରେ ପ୍ରତ୍ୟୟ
ତାହାଙ୍କର ସ୍ଥାନ କିନ୍ତୁ ଅଟଇ ହୃଦୟ
ବିଶ୍ବାସେ ମିଳଇ ହରି ତର୍କେ ବହୁଦୂର
ମାନସିକ ଭାବନାରେ ସ୍ଥିତିଟି ତାହାର।
ହେତୁ ଅହେତୁରେ କିଛି ଯାଏ ଆସେ ନାହିଁ
ସାମାନ୍ୟ ଅଣୁର ଗୁଣ ଭେଦି ନ ପାରଇ
ବିଶ୍ବ ସଂରଚନା ଜ୍ଞାନ ଅଟେ ବହୁଦୂର
ଆତ୍ମଜ୍ଞାନ ଅଭାବରେ ମନ ହରବର।
ମାନବର ସଦ ଗୁଣ ପ୍ରତୀକ ଯାହାର
ମାନ ବା ନ ମାନ ଅଟେ ସିଏ ହିଁ ଈଶ୍ବର।