ହସି ହସାଇବା ସକଳ ଜନେ
ହସି ହସାଇବା ସକଳ ଜନେ
ରସଗୋଲା ସବୁ ଗୋରସେ ତିଆରି
ଶ୍ରେଷ୍ଠ ରସ ପୃଥିବୀରେ
ଥରେ ଚାଖି ଦେଲେ ଭାରୀ ମନ ଖୁସି
ତାକୁ ଖାଇବାକୁ ମନ ଝୁରେ
ମନ ଖୁସି ହେଲେ ପାଠ ପଢିବାକୁ
ଦୌଡ଼ି ଯାଆନ୍ତି ପିଲା
ଖେଳ କୁଦ କରି ଡେ଼ଇଁ ଡେଇଁ ଆସି
ହୁଅନ୍ତି ବହୁତ ଗେହ୍ଲା
ଖେଳିବାକୁ ଆଉ ଖେଳ ପଡିଆ ତ
ପିଲାଏ ଯାଉନାହାନ୍ତି
ପାର୍କରେ ଖେଳି ଖସଡ଼ା ଓ ଦୋଳି
ମନ ଖୁସି ସେ କରନ୍ତି
ପାଠ ମଜା ବୁଝି ହସି ଖେଳି କରି
ପାଠ ପଢେ ଯେଉଁ ପିଲା
ତା ସାଙ୍ଗକୁ ଧ୍ୟାନ ଟିକିଏ ରଖିଲେ
ପାଠ ମନେ ରହିଗଲା
ମାଙ୍କଡ଼ କୁମ୍ଭୀର ଗପ ଶୁଣିକରି
କୁମ୍ଭୀର ପରାଏ ବୋକା
ହେବା ନାହିଁ ଜମା ଆମେ ପିଲାମାନେ
ମାରିବା ନିଶ୍ଚୟ ଛକା
ଈଶ୍ୱରଙ୍କର ଏ ଖେଳ ପଡିଆରେ
ହସି ଖେଳି ଗାଇ ନାଚି
ତାଙ୍କ ଧ୍ୟାନେ ମଜି ସୁପଥରେ ଚାଲି
ବଡ଼ ମଣିଷ ତ ସାଜି
ହସି ହସାଇବା ସକଳ ଜନଙ୍କୁ
ଭଲ କାମ ହିଁ କରିବା
ରସଗୋଲା ରସ ଖାଇବାକୁ ହେଲେ
ଗୋମାତା ସେବା କରିବା