ଏକା ଏକା

ବିଶ୍ୱାସ ଟା ଥରେ ଭାଙ୍ଗିଗଲା ପରେ

ଚାଲିବାକୁ ପଡେ ଏକା ଏକା

ପ୍ରତିଶ୍ରୁତି ଯଦି ପ୍ରତାରଣା ହୁଏ

ଜୀବନ ଲାଗଇ ଫିକା ଫିକା।

ମମତା ର ଫୁଲ ମଉଳିଲେ ଥରେ

ମିଳେନାହିଁ ସେଠି ବନ୍ଧୁ ପଣ

ପ୍ରେମ ଯଦି କେବେ ପ୍ରତାରଣା ହୁଏ

ନଥାଏ ସେଥିରେ ସମର୍ପଣ।

କଥା ଦେଇ ଯିଏ କଥାକୁ ରଖେନା

ସେ ବନ୍ଧୁରେ ଗଣା ହୁଏନା

ସମ୍ପର୍କ ର ସେତୁ ଭାଙ୍ଗି ଗଲେ ଥରେ

ଯେତେ ବନ୍ଧ ଦେଲେ ରହେନା ।

ମାଟିରୁ ଆକାଶ ଦୂରତା କୁ କେବେ

କରିନାହିଁ କେହି କଳନା

ଖୋଜିନିଅ ନିଜ ସୀମା ସରହଦ

ପୃଥିବୀ କୁ କେବେ ଖୋଜନା।

ହସ ଓ ହସାଅ ହସି ଚାଲିଥାଅ

ହସିବା କାରଣ ଖୋଜନା

ଏକା ଏକା ତୁମେ ଚାଲିବା ଶିଖ

ସାଥୀ କେବେ ତୁମେ ଖୋଜନା ।