ଦୃଶ୍ୟାନ୍ତର

ସକାଳୁ ସକାଳୁ ରାସ୍ତା ଉପରେ

ଷୋହଳ ସତର ବର୍ଷର ଝିଅଟିଏ

ଦେହରେ କଲେଜ ୟୁନିଫର୍ମ, ମୁଣ୍ଡରେ ସ୍କାର୍ଫ,

ବେସୁରା ଢଙ୍ଗରେ ଗାଇ ଚାଲିଛି.....

କୌଣସି ହିନ୍ଦୀ ଚଳଚ୍ଚିତ୍ର ଗୀତରୁ ଧାଡିଏ,

"ସାରି ସାରି ରାତ୍....'

ସମସ୍ତେ ଶୁଣିବା ପରି ସ୍ବରରେ ।

ଲୋକେ କହୁଥିଲେ ଝିଅଟି ପାଗିଳି ।

ଗଛ ପତ୍ରଝଡା ଦେଲାପରି

ସମବେଦନା ଝରୁଥିଲା ସମସ୍ତଙ୍କ ମୁହଁରୁ ।

ଝିଅଟି ଏସବୁଠୁ ଅନେକ ଦୂରରେ

ହଜିଥିଲା ନିଜ ଭିତରେ ....

ବୋଧେ ଈଶ୍ବରଙ୍କ ସନ୍ଧାନରେ ,

ଅବା ଈଶ୍ବର ପ୍ରାପ୍ତିର ଆନନ୍ଦରେ ।।