ଦିଅ ମା ଦିବ୍ୟଜ୍ଞାନ

ହେ' ମା ସରସ୍ୱତୀ ଘେନ ମୋ ପ୍ରଣତି

ତୁମ ପଦ ପଙ୍କଜ ଚରଣେ

ସାରଳା ଦାସଙ୍କୁ ଦେଇଥିଲ ଜ୍ଞାନ

ଲେଖି ଗଲେ ସେ ପୁରାଣ ।

ମୋତେ ଟିକେ ଜ୍ଞାନ ଦିଅ ଆହେ ମାତ

ମୋର ଜ୍ଞାନ କର ଉଜ୍ଜୀବିତ

ଛନ୍ଦ ନାହିଁ ଜଣା ପଦ ନାହିଁ ଜଣା

କିପରି ଗାଇବି ସ୍ତୋତ୍ର ।

ଜ୍ଞାନର ପରଶ ବିତର ହେ ମାତ

ଅଜ୍ଞାନ କୁ କର ଦୂର

ଅଜ୍ଞାନ ଅନ୍ଧାରେ ସମାଜରେ ଆଜି

ପଡିଲାଣି ହା ହା କାର ।

ତୁମ ଆଶିର୍ବାଦ ଦିଅ ଟିକେ ମାତ

ଏଖଳ ମଣିଷ କଣ୍ଠେ

ଝିଅ ବୋହୁ ଆଜି ଚାଲି ନ ପାରନ୍ତି

ଏ ଦୁନିଆ ବଡଦାଣ୍ଡେ ।

ମାଆ ଜାତି ଆଜି ଅସମ୍ମାନ ପାଏ

ବଢିଚାଲେ ବ୍ୟଭିଚାର

ତାଙ୍କ କଣ୍ଠେ ଟିକେ ବିଜେ କରି ମାଆ

ଏ ପାପରୁ ଉଦ୍ଧାର କର ।

ଜ୍ଞାନର ପ୍ରଦୀପ ପ୍ରଜ୍ୱଳିତ କରି

ଅଜ୍ଞାନ କୁ କର ଦୂର

ଜଡ଼ତା କୁ ହରି ଚେତନା କୁ ଭରି

ଶୁଦ୍ଧ ଜ୍ଞାନ ଦାନ କର ।