ଚିଠିଟିଏ ବିରହୀଣୀର
ଚିଠିଟିଏ ବିରହୀଣୀର
ରଚନା:- ବିଜୟ କେତନ ସାହୁ
**********
ଉଡିଯାରେ କଳାମେଘ
ନୀଳାଦ୍ରି ଶିଖର
କାଳିଆ ପାଖରେ ଦେବୁ
ଏ ଚିଠିକୁ ମୋର (0)
ରିମିଝିମି ହୋଇ ବରଷିଣ ତୁହି
ପୟରେ ପ୍ରଣାମ ଜଣାଇଦେବୁ |
ମୋ ଦୁଃଖ ବେଦନା ମନ୍ଦମଳୟରେ
ତା' କାନ ପାଶେ ଗୋପନେ କହିବୁ ||
ବିରହୀଣୀ ହୋଇ ଚାହିଁ ମୁଁ ବସିଛି |
ଶ୍ରୀଗୀତଗୋବିନ୍ଦ ତା'ପାଇଁ ଗାଉଛି ||
ତା'ର ଲାଗି ରଚିଅଛି ନବ ଅଭିସାର |
ଉଡିଯା'ରେ କଳାମେଘ ନୀଳାଦ୍ରି ଶିଖର.....(1)
ଗନ୍ଧଚନ୍ଦନରେ ହୋଇଣ ସୁବେଶ
ଛଡା ତୁଳସୀ ମୁଁ ଗଭାରେ ନାଇଛି |
ଶ୍ରୀପାଦଯୁଗଳ ଧୋଇଦେବି ବୋଲି
ନୟନର ଅଶ୍ରୁ ସାଇତି ରଖିଛି ||
ଆହାରେ ବିହାରେ ଅବା ଶୟନରେ,
ପ୍ରାଣେ ପ୍ରତିକ୍ଷଣେ ତା'କୁ ମୁହିଁ
ଝୁରେ ||
ସେ କଳାଠାକୁର ଏକା ମୋର ପ୍ରାଣେଶ୍ୱର |
ଉଡ଼ିଯା'ରେ କଳାମେଘ ନୀଳାଦ୍ରି ଶିଖର ....(2)
*****