ବନ୍ଧୁତା

 

ମୁଁ ମନେ ପକେଇବାକୁ

ପୂର୍ବରୁ ସେ ଆସି ପହଞ୍ଚି ଯାଏ

ଜୀବନର ଯେତେ କଥା ମାନ

ସାଇତି ରଖିଥାଏ ନିର୍ନ୍ଦ୍ୱନ୍ଦ କହିଦିଏ।

ଏ ଦୁନିଆ ଯେତେବେଳେ ମତେ କନ୍ଦେଇଛି 

ତା' ହସ ସେ ମତେ ଦେଇଛି,

ମୁଁ ହସିଲେ ତା' ଜୀବନ ମହକି ଉଠେ

ମୁଁ ଝୁଣ୍ଟିବା ପୂର୍ବରୁ ସେ କୋଳେଇ ନେଇଛି ।

ମୁଁ ରାଗିଛି ,ଋଷିଛି , ଅଭିମାନ କରିଛି 

ସେ ସବୁ ସହି ନେଇଛି ।

ମୋ ପାଇଁ କେତେ କଷ୍ଟ ସହିଛି

ମୋ ପାଇଁ କେତେ କ'ଣ ସେ ନ କରିଛି ।

ରକ୍ତର ସମ୍ପର୍କ ଠାରୁ 

ହୃଦୟର ସମ୍ପର୍କ ଏତେ ଗଭୀର 

ସେ ମତେ ଜଣେଇ ଦେଇଛି ।

ମୋର ସବୁ ଗୁପ୍ତ କଥାକୁ ଯିଏ ସାଇତି ରଖିଛି

ମୁଁ ସେମିତି ସାଙ୍ଗ ଟେ ଏ ଜୀବନରେ ପାଇଛି ।