ଭକ୍ତି

ଅନାବଶ୍ୟକ ତୁମର ସେ

ଅଯଥା ଆଡମ୍ବର

ଯାହା ତୁମେ କର

ସେ ଭଗବାନଙ୍କ ପ୍ରାପ୍ତି ବା ଦର୍ଶନାର୍ଥେ

କେବଳ ଏକାନ୍ତ ଧ୍ୟାନକୈନ୍ଦ୍ରିକ ହିଁ

ଯଥେଷ୍ଟ ।

ତୁମର ଯାହା ସବୁ ଏ ପାର୍ଥିବ

ନିରର୍ଥକ

ତୁମେ, ତୁମର ସବୁକିଛି ତ

ସେ ପୂର୍ବଜନ୍ମର

ଆଉ, ଯାହା ତୁମ ମୃତ୍ୟୁପରେ ।

ଯାହାପାଇଁ ତୁମେ ଆଜି

ଧଇଁସଇଁ

ଦୌଡ଼ିଦୌଡ଼ି ଗଲ ଥକି

ସେ କିନ୍ତୁ ଅପେକ୍ଷାରେ, ତୁମର

ନିରବତାରେ...

ଦିବ୍ୟତା ଦୌଡ଼ିବାରେ ନୁହେଁ,

ଧୀରସ୍ଥିରତାରେ...

କିଏ କୁହେ ଭଗବାନଙ୍କୁ

ଦେଖିବାରେ ଅକ୍ଷମ ତୁମେ,

ବାସ୍ତବରେ,

ତାହା ଆବଶ୍ୟକ ହିଁ ନାହିଁ

ଅଷ୍ଟବକ୍ରଙ୍କ ଭାଷାରେ ॥