ଅନୁତାପ

ସଫେଦ କେଶ

ଶୁଷ୍କ ଚର୍ମ କ'ଣ

ଲୁଚିପାରେ 

କବିର କଲମରେ

ବୟସର ଅପରାହ୍ନ

ସନ୍ତର୍ପଣରେ 

ଝୁଲୁଥାଏ 

ଅଚିହ୍ନା ପ୍ରେମରେ

ଛଳନାର ଝୁଲା

ଖାଲିଯାହା

ଅବଶୋଷ

ପାଷାଣ ପ୍ରତିମା

କାହାର ନୁହେଁ

ମାତ୍ର ସଭିଏଁ

ପୂଜୁଥିବା

ପ୍ରତିମାଙ୍କର

***********

ପ୍ରେମର ପରିଧିରେ

ସମ୍ପର୍କ ର ସତ୍ତା

କିଏ ଜିତିଛି

କିଏ ହାରିଛି

ଏଠି ସବୁ ଉଦ୍-ଭ୍ରାନ୍ତି

ତନ୍ଦ୍ରାରେ ଆଖିବୁଜି

ସ୍ୱପ୍ନ ଦେଖୁ ଦେଖୁ

ଜୀବନ ସରିଯାଏ

ଖାଲିଯାହା

ଅନୁତାପ ବାକିରହେ

**********

ପବିତ୍ର ଜଳରେ ସ୍ନାନ

ସହସ୍ର ତିଳତର୍ପଣ 

ଦେଇ ପାରେ ନାହିଁ

ମଣିଷକୁ ନିଷ୍ପାପ ପବିତ୍ରତା

ଆତ୍ମ ସମର୍ପଣରେ

ଜର୍ଜରିତ ଅନୁତପ୍ତ ଆତ୍ମା

କ୍ଷଣିକ ରେ ହୁଏ

ପୁତ ଓ ପବିତ୍ର 

ଏ'ତ ଭକ୍ତି ଓ ନିଷ୍ଠାର

ସନ୍ତୁଳିତ ସୁନ୍ଦରତା.... 🌼