ଆସିବ ଯଦି ଆସ

ତୁମେ ଆସିବ ଯଦି ଆସ

ମନର ଖିଆଲି ପଣରେ,

ଅନୁଭୂତି,ବାସ୍ତବତା କାହିଁ

ଭିଜୁଛି ଯାହା ଆଖି ଲୁହରେ।

ଆମ୍ବ ବଉଳ ର ମହ ମହ ବାସ୍ନା

ନାହିଁ କାହିଁ ବସନ୍ତ ପଣତରେ ।

ସୁଲୁ ସୁଲୁ ମଳୟ ପବନ

ଶୀତେଇ ଦେଉନି ଦେହ ମନରେ।

ଆସିବ ଯଦି ଆସ ତୁମେ

ମନର ଖିଆଲି ପଣରେ ।

ମନ ଏଠି ଶୁଷ୍କ ମରୁ,ଦେହ ଗୋଧି ଛାଲ

ନିରଳସ ଛାଇଛି ପ୍ରତିଟି ବିନ୍ଦୁରେ।

ପ୍ରେମ ପ୍ରେମ ପ୍ରେମର କୁହାଟ ସର୍ବତ୍ର 

କାହିଁ ପ୍ରେମ ପଡ଼ିଛି ଅଭାବି ବିକ୍ରିରେ ।

ରଙ୍ଗରେ ରଙ୍ଗରେ ଫିକା ଆଜି ରଙ୍ଗ

ଫିକା ଫିକା ସବୁ ଫିକା ଜୀବନରେ ।

ରୌଦ୍ର ର ପ୍ରକୋପ ଜାଳିଛି ହୃଦୟ

ମତୁଆଲା ଆଜି ପ୍ରତିଟି ପିଆଲା ରେ ।

ଆସିବ ଯଦି ଆସ ତୁମେ

ମନର ଖିଆଲି ପଣରେ ,,,,

ହଜିଛି ଗୋଧୂଳି ହଜିଛି ସଂଜୁଆ ବନ୍ଦାପନା

କତିପୟ ପୂଜା ପାର୍ବଣରେ ।

ଅପସଂକୃତିର ଦାନବ କବଳେ

ମନ୍ତ୍ର ,ତନ୍ତ୍ର,ସ୍ତୋତ୍ର ହଜଇ ଜୀବନରେ ।

ଭଣ୍ଡ ମୁନି ,ଋଷି, ସ୍ୱୟଂ ଭଗବାନ ଆଜି

କାଳ ବେଳ ଉଣ୍ଡୁ ଥାଇ ସତୀତ୍ଵ ଲୁଣ୍ଠିବାରେ,

ହେ ବସନ୍ତ ସାଜି ଯାଅ ଅମୃତର ବାରି

ସ୍ପର୍ଶ ଦିଅ ସ୍ବର୍ଗୀୟ ଅଭିସାରେ ।

 ନଚେତ,,,,,

ଆସିବ ଯଦି ଆସ ତୁମେ

ମନର ଖିଆଲି ପଣରେ,,,,,,,,,,,