ଆସ ଥରେ ଜଗନ୍ନାଥ

ଆସ ଥରେ ଜଗନ୍ନାଥ

ଦେଖ ତୁମ ସୃଷ୍ଟି

କି ବିକଳ ହୋଇ ଆଜି

ଏ ମଣିଷ କାନ୍ଦୁଛି ।

ତୁମ ସହ ମଣିଷର

ବିଶ୍ୱାସ ବନ୍ଧନ

ଦେଖ ପ୍ରଭୁ ଦିନୁ ଦିନ କେଉଁ ଭଳି

ହେଉଛି ବିଲୀନ ।

ଏ ବେଳରେ ଯଦି ତୁମେ

ଆଖି ବୁଜି ଶୋଇବ

ଏ ମଣିଷ ତୁମକୁ କି

ବନ୍ଧୁ ବୋଲି ଭାବିବ ??

ତୁମେ ତ ପରମ ବ୍ରହ୍ମ

ସୃଷ୍ଟି ଓ ବିଲୟ

ଥରେ ମାତ୍ର କୃପା କରି

ରଖ ପ୍ରଭୁ ଏ ଜୀବରେ ଲୟ।

ଏ ଜୀବ ସିନା ଅଜ୍ଞାନ

ତୁମେ ବ୍ରହ୍ମ ଜ୍ଞାନ

ରତ୍ନ ସିଂହାସନେ କିଆଁ

ବସିଛ ଅଭିମାନେ ??

ଥରେ କ୍ଷମା କରିଦିଅ

ଏ ନର ରାକ୍ଷସେ

ବନ୍ଧୁ ଭାବେ ବାନ୍ଧି ଦିଅ

ଅମୃତର ଫାଶେ।

କୋଟି ଜନତାଙ୍କୁ ପ୍ରଭୁ

ନିତି ଦେଖୁଥିଲ

ଏବେ ଗମ୍ଭୀରା ଭିତରେ କିମ୍ପା

ମଉନେ ରହିଲ ??

ଅଭିମାନ କରିଛ କି

ଏ ଘୋର ପାପ ଦେଖି

ସେଥିପାଇଁ ମଉନରେ

ଅଛ ଚକାଆଖି ??

ଖୋଲି ଦିଅ ଆଖି ପ୍ରଭୁ

ଦିଅ ତୁମ ଅମୃତ ଦର୍ଶନ

ବିଲୟରୁ ରକ୍ଷା କର ଏ ସୃଷ୍ଟିକୁ

ବଞ୍ଚାଅ ପ୍ରଭୁ ନିରୀହ ଜୀବନ ।