Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

DILIP KUMAR SAHOO

Others

3  

DILIP KUMAR SAHOO

Others

ଆଖି ପଲକରେ ଦୁଃଖ ଦିନ ଯିବ ସରି

ଆଖି ପଲକରେ ଦୁଃଖ ଦିନ ଯିବ ସରି

1 min
167


 ସ୍ନାନ ପୂର୍ଣ୍ଣିମାରେ ସ୍ନାନବେଦି ଯାଇ

 ରତ୍ନବେଦି ଗଲ ଭୁଲି

 ଜ୍ବରରେ ପଡିଲ ଭଲ ହୋଇଗଲ

 ଗୁଣ୍ଡିଚା ଘରକୁ ବୁଲି ।


 ଭାଇ ଭଉଣୀଙ୍କୁ ସାଥେ ଗଲ ନେଇ

 ଘରଣୀଙ୍କୁ ଛାଡି ଏକା

 ହେରାପଞ୍ଚମୀରେ ମାତା ଯେବେ ଗଲେ

ଦେଲନାହିଁ ତାଙ୍କୁ ଦେଖା ।

 ମାତାଙ୍କର ରୋଷ ଜାଣି ଜଗଦୀଶ

 ରାହାସକୁ ଅଧାରଖି

 ଲେଉଟିଲ ପ୍ରଭୁ ମାଉସୀ ମାଆଙ୍କ

 ପୋଡପିଠା ବାଟେ ଚାଖି ।

 ରଥରେ ହୋଇଲ ଆହାକି ସୁନ୍ଦର

 ମନଜିଣା ସୁନାବେଶ

 ଅଧରପଣାରେ ଅଶରୀରିଙ୍କର 

 ମେଣ୍ଟାଇଲ ତୁମେ ଶୋଷ ।

 ନୀଳାଦ୍ରି ବିଜୟ ବେଳେ ମହାଲକ୍ଷ୍ମୀ

 କବାଟକୁ ଦେଲେ କିଳି

 ପହଡେ ଚାଲିଲା ବଚନିକା କେତେ

 ମାନ ଅଭିମାନ କଳି ।

 ମିଠାକଥା କହି ମିଠା ତ ଖୁଆଇ

 ମାଆଙ୍କୁ କରିଲ ତୋଷ

 ମାଆ ତ ଖୋଲିଲେ ଦେଉଳ ଦୁଆର

 ଉଣା ହୋଇବାରୁ ରୋଷ ।

 ଶେଷ ହେଲା ତୁମ ମାନବୀୟ ଲିଳା

 ପତିତ ଉଦ୍ଧାର ପାଇଁ 

 ପତିତଙ୍କୁ ଦେଲ ଦୂରରୁ ଦର୍ଶନ

 ଦୂରଦରଶନେ ରହି ।

 କେତେଦିନ ଆଉ ଦୂରେଇ ରହିବ

 କରୋନାକୁ ଡରିଡରି

 ତୁମେ ଦୟାକଲେ ଆଖି ପଲକରେ

 ଦୁଃଖ ଦିନ ଯିବ ସରି ।

 



Rate this content
Log in