योगायोग की नशीब?

सर्वांच्याच नशिबी आई-वडील असतात---

पण नशीब ज्याचे त्याचे !

कुणाला साथ जन्माची,

तर कुणाला विरह जन्माचा !!

सर्वांच्याच नशिबी मित्र असतात---

पण नशीब ज्याचे त्याचे !

कुणी मित्रत्व निभावतात,

तर कुणी खंजीर खुपसतात !!

सर्वांच्याच नशिबी सुखदुःख असतात---

पण कर्तत्व ज्याचे त्याचे !

कुणी दुःखात ही सुख मानतात,

तर कुणी दुःखात होरपळतात !!

सर्वांच्याच नशिबी भोग असतात---

पण कर्म ज्याचे त्याचे !

कुणी भोगाला योगायोग मानतात,

तर कुणी संधी समजतात !!

सर्वांच्याच नशिबी एक संधी असते---

पण योग ज्याचा त्याचा !

कुणी दुसऱ्या संधीची वाट पाहतात,

तर कुणी संधीचं सोनं करतात !!

सर्वांच्या नशिबी कधीतरी सुख येते---

पण भाग्य ज्याचे त्याचे !

काहींना मिळतं ओंजळभर,

तर काहींना रांजणभर !!

सर्वांच्या नशिबी भव सागर असतो---

पोहायचे ज्याचे त्यांनी !

कुणी लाटेत वाहवून जातं,

तर कुणी ओहोटीची वाट पाहतो !!