वंशाची पणती

सांगा ना हो आई बाबा

काय आहे दोष माझा

जन्माला येण्याआधीच

का हो तुम्ही मला मारता

 

कसली आहे माझ्यात उणीव

म्हणून मी तुम्हास नकोशी

कर्तृत्वाची घेऊन भरारी

फिरते मी आकाशी

 

मी आहे नवनिर्मिती

म्हणूनच चालते ही जगरहाटी

जाणीव असूनही याची

मलाच खुडता जन्माआधी

 

भविष्यकाळाची ठेवून जाणीव

विकृतीही थांबवा मनाची

कळी उमलण्याआधी

मारण्याचे पाप घेऊ नका माथी

 

मी ही आहे तुमचीच प्रतिमा

तुमच्याच वंशाची पणती

मला ही आहे हक्क

हे जग बघण्याचा

विसरू नका तुम्ही...