विठ्ठला भक्त तुझा भोळा

विठ्ठला भक्त तुझा भोळा

विठ्ठल नामाच्या गजराने

अवघी दुमदुमली पंढरी

चंद्रभागेच्या पाण्यात

मन शुद्ध करे वारकरी

हात जोडुनिया तो

उभा राही विठ्ठला समोर

सांगे विठ्ठलाला

झालो मी दुष्काळाने लाचार

किती पाहशील रे विठ्ठला

तू माझ्या संसाराचे हाल

माझ्या लेकरा बाळांचे

खाण्यासाठी होतात रे हाल

मला नको रे फुकटाचे

मेहनत करायला मी खंबीर आहे

फक्त पाठ नको फिरवू माझ्याकडे

कारण दुष्काळाने मी बेहाल आहे

विठ्ठला तुझ्या कडे रे मी

हात जोडुनिया विनंती करत आहे

या आभासी जगात मात्र

तुझीच मला साथ हवी आहे