विठ्ठल

करु तोरो ध्यान । विठ्ठल माऊली । 

कृपा की सावली । मोरो साती ।।१।। 

कर पुंडरीक । माय बाप सेवा ।

कानुबा वु देवा । बाट देख ।।२।।

तब पासून वु । उभो ईटपर ।

कर कटीपर । ठेयी सेस ।।३।।

ईटपर उभो । म्हणून कानुबा ।

भयेव विठोबा । नाव ओको ।।४।।

जगमा पावन । चंद्रभागा काठ ।

मंदिर वु ताठ । पंढरीमा ।।५।।

आषाढ़ मास मा । एकादशी वारी ।

जात वारकरी । पंढरीला ।।६।।

भेट को उमंग । भक्ति को तरंग । 

वारकरी दंग । पंढरीमा ।।७।।

मोरी होसे ईच्छा । जाऊ एकघन ।

करु मी दर्शन । माऊली को ।।८।।

कसे गोवर्धन । ठेव तू छाया मा ।

आपलो माया मा । पांडुरंग ।।९।।