' वैज्ञानिक संत'
' वैज्ञानिक संत'
1 min
8.1K
दिसले तयाला । पडणारे फळ ।
मेंदूतून कळ । गेली गेली ।।
खालीच का येते । वस्तू पडणारी ।
बाब घडणारी । नित्याचीच ।।
काढली तयाने । जागोनिया रात्र ।
पक्का शोध मात्र । लावीयेला ।।
दाविले जगाला । नियम गतीचे ।
न्यूटन मतीचे । अविष्कार ।।
भविष्य दिसले ।न्युटोबा तुलाही ।
बुद्धीचा झुलाही । झेपावला ।।
लिहावे वाटले । तुझ्यावर काही ।
निरखोनी पाही । रसिका तू ।।
वंदितो मुरारी । विज्ञानाचे संत ।
ज्ञानी जे महंत । अजरामर ।।