तुझं असणं

तुझं असणं मनाला खूप खूप भावत 

जणू हरवलेल सारं तुझ्या कुशीतच घावत 

तुझं असणं फूलपाखराप्रमाणे भिरभिरत

मनाच्या प्रत्येक कोपऱ्यात हळूच ते शिरतं 

तुझं असणं उंच झुल्यावर लाबंच लांब झुलत 

समोर असताना ही मनात मात्र सदैव डूलतं 

तुझं असणं बंद मनाची कवाडे माझ्या खोलत 

अडचणीत नेहमीच ते आपूलकीने बोलत 

तुझं असणं म्हणजे घर भरल्यासारख वाटत

तुझ्या काळजीने कधी काळीज माझं दाटत 

तुझं असणं म्हणजे सदैव फुललेली परसबाग 

दिवस रात्र तुझ्या हसण्याने येते तिला जाग

तुझं नसणं याचा मनाला विचार करवत नाही 

तू सदैव सोबत रहा याखेरीज काही मागणं नाही