ती निघून गेली

दारात उभी राहून लेकीची वाट पाहणाऱ्या आईला सोडून

ती निघून गेली

बापाच्या डोळ्यांना

अश्रू देऊन गेली

स्वप्ने सुखी संसाराची 

ती सोबत घेऊन गेली

राखी बांधायचा हात सोडून ती निघून गेली

तिचे सुंदर दिसणे

का डोळ्यांना खुपले

काय तिचा गुन्हा

तिला न कळले

दिला तिने नकार

त्याने जीव घेतला

तळमळणारा तिचा श्वास

शेवटी शांत झाला

किती भोगल्या यातना

किती सोसल्या वेदना

किती झुंजली ती जगण्यासाठी

पण तिचा जन्म होता

फक्त मरण्यासाठी

तिचा जन्म होता 

फक्त मरण्यासाठी