तिचा पाऊस

तिला नाही आवडत पाऊस

ती पावसाळा टाळू लागली

तिची आठवण मग

पावसाला छळू लागली 

ती निघताच घराबाहेर 

पाऊस रिमझिम बरसतो

फक्त ती दिसावी म्हणून 

पाऊस रोज तरसतो

ती मश्गुल असते फुलाफुलांत

पाऊस ढग होऊन फिरतो

तिला नाही कळत पावसाच मन

पाऊस तिच्यासाठी झुरतो

भिजवावी एकदा तिला

तीच्यासह आपण चिंब व्हावे

एवढ्याचसाठी नभाने

पाऊस होऊन भूमीवर यावे

थकला पाऊस म्हणतो

'माघारी फिरायचे'

ती भिजायला तयार नाही 

आपण किती झुरायचे