स्वार्थ

आज मानवी मनाला

स्वार्थ वळंबा लागला।

कसा नात्या नात्यातील

तिढा वाढत चालला।।धृ।।

एकाचा उदरी जन्मूनी

धास घासातला खाई।

ठेच एकास लागता

दुजा घायाळकी होई।

वारसाहक्कासाठीआज

दावा कोर्टात चालला ।।१।।

मित्र-मैत्रिणी समान

दुजे नाते ना जगती ।

वासुदेव सुदाम्याची

जणू येतसे प्रचिती

विष कानाने हो पिता

वार पाठीवरी केला ।।२।।

माय पित्याने हो यांचे

कोड कौतुक पुरविले।

सारे विसरूनी जाती

बालपणाचे चोचले।

बाप वृद्धाश्रमी जाई

बाळ मोहात गुंतला।।३।।

फळ सत्तेचे चाखले

मोल पैशाला हो आले।

कसे सद्गुणी हे बाळ

आज मद्य धुंद झाले।

हाती सत्ता पैसा येता

जीव विधाता बनला।।४।।

सोडी सोडी रे तू मना

चार दिवसाची ही धुंदी।

येशील भूईवर जेव्हा

हुकेल जगण्याची संधी।

तोडी मोहपाश सारे

जागवूनी विवेकाला।।५।।