शुभसकाळ

उधळले रविकिरणे चहूकडे

पसरले लालभडक तांबडे

जागी झाली ढोर जनावरे

अरवले भल्या पहाटे कोंबडे

जाग आली दाही दिशांना

मंदीरी मंजुळ वाजे भूपाळी

जन हे जागले कामालागले

गुरू ज्ञान हे प्रसाद सकाळी

लगबग झाली माऊलीची

मारी हाका उठ रे बबड्या

संवगडी बघ दारी जमले 

शाळे साठी घेऊन पाट्या

न्याहारी चा खंमग दरवळ

स्वयंपाकी झुनकाभाकर

धारा काढल्या गायी म्हशींच्या

शेतानिघाले घरधनी,चाकर