शब्द हेच खरे किमयागार

शब्दच करतात प्रहार

आणि शब्दच करतात प्रतिकार

शब्दच आहे जीवनाचे खरे शिल्पकार

शब्दाविना हे जग निराकार

म्हणून शब्द हेच खरे किमायागार

शब्द हेच मित्र

शब्द हेच शत्रू

शब्दांनीच होतो संवाद

आणि शब्दांनीच होतो विवाद

म्हणून शब्द हेच खरे किमयागार

शब्द हीच तलवार

आणि शब्द हीच आहे ढाल

शब्दांनीच पेटतात माणसे, घरदार आणि समाज

शब्दांनीच विजेते माणसांच्या मनांतील आग

म्हणून शब्द हेच खरे किमयागार

शब्द हेच यशाचे मूलमंत्र

शब्द हेच अपयशाचे कारण

शब्द ठरतात आयुष्याचे मार्गदर्शक

आणि शब्दच ठरतात फसवे वाटाडे

शब्द हेच खरे किमयागार

शब्दांमुळेच आहे माणसाच्या जीवनाला खरा अर्थ

शब्दांन अभावी त्याच जीवन आहे व्यर्थ

म्हणून शब्द हेच खरे किमयागार