रंगी रंगला श्रीरंग

पहा गोकुळात कान्हा

खेळ खेळे गोपी संग

आनंदात रंगलेला

रंग खेळण्यात दंग

विसरूनी मी तू पण

पहा कसा झाला दंग

देहभान विसरुनी

*रंगी रंगला श्रीरंग*

मुरलीचा येता सूर

होई राधिका बावरी 

रंगी रंगे मोहनाच्या

वेड लावे तो श्रीहरी

दावी धरा रंगोत्सव

येता पहा हा वसंत 

सृष्टी पहा बहुरंगी

रंग खेळूया हसत 

भेदभाव सारु दूर

जैसा खेळे तो श्रीरंग

 समतेचा भाव दिसे

आनंदात होऊ दंग

पहा मूर्तीमंत प्रेम

असे भक्तीचे प्रतीक

*रंगी रंगला श्रीरंग*

प्रेम तयांचे सात्विक