रंग माणुसकीचे

अपेक्षांचेच देह सारे

अविश्वासाचीच पाखरे

इथे कुणाला नाही कुणाचे

काहीही देणेघेणे

प्रत्येक जण शोधतोय फक्त

स्वतःपुरतीच पाऊलवाट

रंगबेरंगी शब्दांद्वारे

झेलत आहे नात्यांची लाट

खरा कोण खोटा कोण

कळत काहीच नाही

तरीही शब्द पेरत जातात

आपलेपणाची ग्वाही

धुरसटपानाच्या चष्मयावरती

साचत चालले मोहाचे जाळे

रंग माणुसकीचे किती हे निराळे....

एकदाच येवो पाऊस वारा

रंग सारे सफेद व्हावे

माणसामधल्या माणुसकीला

नितळ स्वच्छ जागेपण यावे....|