पुन्हा नभ येईल भरून

पुन्हा नभ येइल भरून 

विजांचा होईल कडकडाट 

आसमंत जाईल दुमदुमुन 

ऐकू येईल पाण्याचा खळखळाट 

ओलावेल सारी धरती 

पाखरांचा सुरू होइल किलबिलाट

दाणे गोळा करायला 

रानात होईल एकच गलबलाट 

पुन्हा सुगीचे दिवस येतील 

शेतकरी कामात गुंग होतील 

करून मशागत रानं पेरतील 

टपोरे मोती शिवारात उगवतील 

पुन्हा नव्याने पहाट होइल 

शिवारात नवा थाट होइल 

लक्ष्मीचे आगमन होऊन 

शेतकरी आनंदाने गाणी गाईल