प्रश्न तिच्या अस्तित्वाचा

प्रश्न तिच्या अस्तित्वाचा सदैव मनात सलतो

न माहेर तिचे न सासर हक्काचे

जिथे तिथे तिला समाज दूर दूर लोटतो

आपलीच माणसं ती नातीही काळजातील

मग का भाव आज मनामध्ये ठसतो

लहानपणी वाटे ओझं, नाही जगणे सुखाचे

मुलगी न होण्यासाठी वाटेल ते करतो

मुलगी प्रेमाची मूर्ती मुलगी वात्सल्याची छाया

त्य अनमोल प्रेमाला जग का विसरतो

मुलगी प्रतीक त्यागाचे नका देऊ तिला दुःख

ती आभाळमाया जिथे अथांग सागरही हरतो