प्रलयाचे तांडव

न्याय मागावा कुठे? । उध्वस्त झाले घरटे ।

प्रलयाचे तांडव करशी, का मेघराजा? ।

शोक सागरी बुडाला, हा बळीराजा ।

तीर गाठावा कुठे ?। उध्वस्त झाले घरटे ।।१।।

असा कसा खेळ चालला, दैवगतीचा ।

अर्ध्यावर डाव मोडला, सुखी संसाराचा ।

वाहून गेले खोपटे । उध्वस्त झाले घरटे ।।२।।

लाभला चिमण पाखरा, मायेचा ऊबारा ।

ममतेनं मुखी भरवला, चिमणा चारा ।

कसे जगावे एकटे? । उध्वस्त झाले घरटे ।।३।।

न्याय मागावा कुठे? । उध्वस्त झाले घरटे ।