प्रेम म्हणजे काय

प्रेम म्हणजे काय 

प्रेमाला तरी कळत का

नजरेने नजरेकडे पाहिल्यावर

मन मनाकडे खरचं वळतं का

पुर्वीसारखे प्रेम आता 

कोणीच करत नाही 

काळजामधे घर करून

कायम कोणीच रहात नाही

ती मिळतं नाही म्हणून

तिला जाळली जाते 

मारली जाते

प्रेमाच्या भुलभुलैय्येत फसवून

कुठेतरी ती पुरली जाते

प्रेमाच्या नावाने नुसताच

छळ होत असतो

वासनेशिवास हेतू मात्र

दुसरा काहीचं नसतो

प्रेमाच्या जाळ्यात अडकवून

प्रेमाचीच हत्या होत असते

प्रेमात त्याग करण्याइतके

बळकट काळीज कोणाचेच नसते 

एकमेकांना फुल देण्याला

खर प्रेम म्हणत नाही

खऱ्या प्रेमाचा ओलावा

खरतर कोणालाही कळत नाही

व्हेलेंटाईनडेला म्हणे

कितजण

प्रेम दिवस साजरा करतात

अविश्वासाच्या ज्योतीने स्वतःच

काळीज जाळून घेतात

प्रेम म्हणजे नुसते 

आकर्षण नसते

प्रेम म्हणजे विश्वासाच्या

परडीतले

फुलणारे सुंदर फुल असते

पण या मोबाईल युगात

खऱ्या प्रेमाचा रंगच उडाला आहे

प्रेमाचा रंग कसा

आता प्रेमालाच प्रश्न पडला आहे.