पहिला पाऊस

गडगड-गडगड करीत मेघ दाटीले नभी

हर्षून निघाले मग हे भोवताल सारे

खुदकन हसली धरणीही लागले मोर नाचू

आनंदाने धावती इकडून तिकडे वारे

टपटप-टपटप करीत मग आला पाऊस

ग्रीष्माचा शीण सारा उडोनी गेला

पाहुनी मोसमीचा पहिला पाऊस तो

पोशिंदा जगाचाही खूश बहोत झाला

बरसत-बरसत बरसती मग जलधारा

असे जणू देवाच्या डोळ्यातील असू

लहानथोर सगळ्यांच्याच मुखी

तो कनवाळू देवोनी जाई हसू

झटकन-पटकन झुकली पाने वृक्षांचीही

स्वागत त्या मान्सूनचे कराया

बघोनी पाणी नद्या नाल्या सुकलेल्या

लागली तहान आपली भागवाया

लगबग-लगबग थांबली व्यस्त पथाची

थोडा श्‍वास मोकळा तो लागला घेवू

थकलेला काळही थांबला इथे जरासा

या घटिकेचा मोह त्यास लागला अडवू