मज आधार ताईचा

किती गुण गाऊ ताई

तूच माझे सर्व काही 

माझी घेतसे काळजी 

जणू दुसरीच आई

तुझ्याविना कोण माझी 

सांग दाखवते चूक 

वेळोवेळी देते सल्ला

कान धरीशी अचूक 

मोठी झालीस शिकून 

आता कायदेपंडीत

बोल तुझे परखड 

नाही कोणीही वादात

तुझ्या सासरच्या घरी

सर्व सुखांचा आनंद

वाण नाहीये कशाची

पुरे पडे मोजदाद

आज अकस्मात ताई

सांग कुठे बिनसले ?

घर छान विचारांचे

कोणी कसे दुभंगले ?

सांगे ठासून सर्वांना

मज आधार ताईचा

चक्र फिरले उलटे

झालो आधार ताईचा