मी एक झाड

भाग्य माझं महान

झालो मी एक झाड

जरी मी रूजलो आहे

डांबरी रस्त्यापल्याड

काळ्या धुरांच्या मारा

सहन करी पानं फांदया

कसा ओळखावा सांगा? 

हिरव्या रंगाचा पिसारा

बहरत आहे मी असाच

मुळं खोलवर रुजवत

झ-याच्या शोधात तीही

खाली कातळाला चिरत

असेल कितीसे आयुष्य

का चिंता उगी करावी

जितके जगू तितके 

सावलीच देत जावी

मातीचे उपकार जाणत

प्रत्येक श्वास घेत आहे

उडत्या पक्ष्यांकडे पाहून

आभाळी झेप घेत आहे

आभाळी झेप घेत आहे