माणुसकीचे रंग हजार

जिथे जात धर्मा पलीकडे माणूस भेटी माणसाला

त्याच पुण्यस्थळी अंकुरे माणुसकीचे बीज जाणा

ना सापडे ही बाजारी न मिळे विकत सहज

ओळखावी खूण हीची जिव्हाळ्याच्या शब्दात

डोळे जेव्हा पाणावती दुसऱ्याच्या दुःखात

चिंतेत असता अलवार फिरणारा तो मायेचा हात

घड्याळाचे काटे न बघता 

प्रसंगी दिलेली ती मोलाची साथ

उमगे ज्याला आयुष्याचे खरे सार

तोची अनुभवू शकेल माणुसकीचे रंग हजार!