माणुसकी

नाती नाही गोती नाही

तरीही होते दुःख अपार

दुसर्‍यांसाठी मन तळमळती

देती एकमेका आधार

स्वार्थी या दुनियेमध्येही

माणुसकीला पाझर फुटतो

तेव्हा होतो आनंद अन्

मानवजातीचा गर्व वाटतो

तनामनाने अन् धनाने

मदतीचा होतो ओघ सुरू

दर्‍या मिटती माणसांमधल्या

जातीभेद लागतो हरू

प्रत्येकाच्या आयुष्यामध्ये

सुखदुःखे तर येतच राहतील

मानव खरे ते जे इतरांच्या

दुःखामध्ये धावून जातील

माणसाने माणसाला

माणसाप्रमाणे समजावे

एकच आहोत आपण सगळे

अटळ सत्य हे उमजावे