माझ्या गावची माती

माझ्या गावची ख्याती

दुर दुर झाली

माझ्या गावाच्या मातीने

दिशा जगण्याची दिली

माझ्या गावाच्या मातीचे

किती गुण गायचे

थोर उपकार तिचे

ऋण नाही फिटायचे

माझ्या गावाची माती

किती जीव लावते

अंगाखांद्यावर खेळवून

कडेवर घेते

माझ्या मातीचा टिळा 

कपाळी लावतो

दाहिदिशात जणू

अबिर गुलाल उधळतो

माझ्या नावाची ओळख माझ्या गावामुळे झाली

माझ्या गावाच्या मातीने

माझ्या नावाला चकाकी दिली

माझ्या गावाच्या मातीमुळे

नाव मोठे झाले किती

गौरव मातीचा होतो तेव्हा

फुलते माझी छाती

गेलो जरी दुरदेशी

तरी माझ्यात माझे गाव आहे

माझ्या मातीसाठी

माझी गावाकडे धाव आहे

अशी माझ्या गावाची माती

तिला मी माय म्हणतो

माझ्या मातीच्या चरणी

नतमस्तक होतो