कृष्णाचा पाळणा

पहिल्या दिवशी कृष्ण जन्मला 

सारी पुण्याई आली फळाला 

कंस मामाचा गर्व गळाला 

जो बाळा जो रे||1

दुस-या दिवशी वासुदेव निघाले 

यमुनेच्या पाण्याने स्पर्श हे केले 

सगळे मार्ग मोकळे झाले 

जो बाळा जो रे||2

तिस-या दिवशी झाला आनंद 

खेळण्यात सारे दिसती दंग 

माता पिता झाले यशोदा नंद 

जो बाळा जो रे ||3||

चौथ्या दिवशी यशोदा बोल 

सा-या नगरीत वाजवा ढोल 

बोबड्या बाळाचे कळुद्या मोल 

जो बाळा जो रे ||4||

पाचव्या दिवशी गोपिका नारी 

दहीदुध घेऊनी जाती बाजारी 

गोपाळ घेऊनी उभा मुरारी 

जो बाळा जो रे ||5||

सहाव्या दिवशी गोपी बोलली 

जशी कमळाची कळी खुलली 

यशोदामाई कृष्ण झुलवी 

जो बाळा जो रे ||6||

सातव्या दिवशी पुतना पावली 

नंदाच्या घरी लवकर धावली 

श्रीकृष्णाने तिची वाट लावली 

जो बाळा जो रे ||7||

आठव्या दिवशी आठवा वार 

यमुनेच्या काठी सगळे बेजार 

कृष्णाने केले कालीयाला ठार 

जो बाळा जो रे ||8||

नवव्या दिवशी शिंक तोडीले 

बाळगोपाळानी माठ फोडीले 

यशोदेने कृष्णाला बांधुन ठेविले 

जो बाळा जो रे ||9||

दहाव्या दिवशी संकट भारी 

पाऊस आला घेऊन सरी 

संरक्षण करण्या उचलला गिरी 

जो बाळा जो रे ||10||

अकराव्या दिवशी जमला मेळा 

दहीदुध लोण्याचा गोपाळकाला 

दहीहंडीचा प्रसाद झाला 

जो बाळा जो रे ||11||

बाराव्या दिवशी कळस झाला 

अंहकाराचा नाश हो केला 

कृष्णाने वधले कंस मामाला 

जो बाळा जो रे ||12||