कोरोना

आपत्ती ही आली जगावरी

आपल्यावरही आली ना,

छळछळ छळतेय सार्‍यांना ही

नाव तिचे हो कोरोना

छोटे रूप पण अतिभयंकर

जग हैराण हे झाले ना,

महासत्तेच्या देशालाही

तिने हैराण हो केले ना

सुखसुविधा असलेले देश ते

पुरते हतबल झाले ना,

गांभीर्याने बघा तिच्याकडे

जीवन अवघड झाले ना

देश आपुला वाचवण्याला

साथ हवी सर्वांची ना,

कोरोनाची साखळी तोडण्या

कडक नियमही पाळू ना

थोडा त्रास हो घ्या सर्वांनी

मानवजात ही वाचवू ना,

देशभावना मनी बाळगूनी

देशासाठी लढूया ना

लढा असा हा बिनशस्त्रांचा

सावधगिरीने वागूया ना,

स्वच्छतेच्या त्या अस्त्राला हो

घाबरते ती कोरोना

शिस्त पाळूनी नियमही पाळू

शासनास बळ देऊया ना,

कर्तव्याला जागूनी आपण

संपवू शत्रू ही कोरोना