कोकणच्या मातीत

माझ्या कोकणच्या मातीत 

हिऱ्या मोत्याची गं रास

सुपारी नारळ टणक 

घमघमतो आंब्याचा सुवास 

माझ्या कोकणच्या मातीत 

फळबागाची झाली लागवड 

करवंदाचं करुन कुंपण 

दिमाखात उभे काजुचे झाड 

माझ्या कोकणच्या मातीत 

मधाळ फणसाचा गर 

जांभुळ पिकलं टपोरं

नाही त्याला कशाची सर 

माझ्या कोकणच्या मातीत 

नाही मनामध्ये अढी 

सगळीकडे एकच नाव 

कोकणची प्रसिद्ध सोलकढी 

माझ्या कोकणच्या मातीत 

तांदूळ मायेने पिकतो 

जगामध्ये उंचावून मान 

कोकणचा राजा विकतो