कन्यादान

सहजीवनाची वाट

होते सुकर चांगली

लग्नगाठ बसताना

मना आतुरता आली

आली सोडून माहेर

जाण्या सासरी लाडकी

माहेरच्या घरातली 

दाखवण्या माणुसकी

झाला मंत्रोच्चार छान

वरमाला गळ्यामध्ये

नजरानजर झाली

स्नेह दिसे डोळ्यामध्ये

विधी विधानांची नांदी

लग्नगाठ बांधलेली

सुकुमार सकवार 

वधुकन्या लाजलेली

गोड स्वप्नांचा इमला

साकारण्या सुरु झाला

गोड जीवनात आता

मोद आपसूक आला

कन्यादान केले आता

लेक निघाली सासरी

बाप ह्दय रडले

शिरशिरी अंगावरी