जिजाऊच्या लेकी

मावळे फक्त तेव्हाच होवून गेले शिवबाचे

आता ईथे तिथे कावळे आहेत

काळ्या नजरेचे बगळे आहेत

इतिहास घडवला तेव्हा

शिवबांच्या मवळ्यांनी

आणि रयेतेची ईभ्रत सांभाळली

आताच्या कावळ्यांनीतर

माणूसकीच बाटवली

दाढी वाढवून कोणीपण शिवाजी होत नसतो

गजर गर्जना करुन शिवभक्त म्हटला जात नसतो

शिवबाच्या राज्यात तर

लेकि सुना सुरक्षितच होत्या

झालाच अपराध कोणाकडून तर महाराजांची मावळ्याना चेतावणी होती

कडेलोट करण्याची सुनावणी होती

पण आता जग बदलले

म्हणून जगणे बदलले

जगणे बदलले म्हणून जागायचे अवघड झाले

कोणालाही एकटे कुठे जाता येत नाही

रक्षणाची हमी देता येत नाही

अरे नाते रक्ताचे नसले म्हणून छेडायचे नसते

माणूसकीच्या नजरेतून वागायचे असते

परके जरी असले तरी काय झाले

त्यांच्यातही अपली बहिण बेटी बघायची असतें

शिवबांचे मावळे आता येणार नाहीत

कोणाच्याही रक्षणाला

आपल्या रक्ता रक्तातच मावळे आणले पाहीजे

माणसांच्या गर्दीतील

प्रत्येक बहिण बेटी जपल्या पाहिजे

या जिजाऊंच्या लेकी सुना पुजल्या पाहिजे