हरवलेलं जग

दिवस सरलं

निखळ मैत्रीचं आता कोण बी नाय उरलं

बाजार झाला भावनांचा

स्टाईलच झाली भारी

साधेपणाला पुसेना कोणी

आता फकस्त चकाकीची भुरळ मनावरी

दिवस सरले

निरागस प्रेम फकस्त गोष्टीतच उरले

देकूपणाचा जादूला सगळेच भुलले

दिखाव्याच्या बाजारात

नाती आता संपलीत

दिवस सरले

गावाचे बी शहर झाले

शहरातच्या गर्दीत

माणसावर माणुसकी बी

पळायला लागली

माणूस पळत राहिलाय पण

माणुसकी पळून गेली

दिवस आज थांबला

माणूस माणुसकी सकाट

माघारी आला

बाजार आता मोडला

भितीच्या पोटी का होईना

पण भावनेला पुण्यांदा थारा मिळला

थांबलेल्या दिवसानं

शहराला गावाचं रूपडं नव्यानं दाखिवलं