हरवलेले बालपण

जीवनातील अनमोल

बालपणाचा असे क्षण

आनंदाने खूप भरलेला 

मनातला प्रत्येक कण

नकळत केलेल्या कधी

निरागस अल्लड खोड्या

पावसात चिंब भिजताना

केल्या कागदाच्या होड्या

माहित नव्हता स्वार्थ

मन निरागस निर्मळ

सुखाचा सुंदर झरा

नव्हती वेदनेची झळ

नंतर रोजच आठवे

बालपणाचे मुक्त जग

सुंदर आठवणीने त्या

जीवाची होई तगमग

खरच आता वाटते

पुन्हा लहान व्हावे

स्वच्छंद पुन्हा जगण्या

बालपण परत यावे