होळी कुविचारांची

त्या कुविचारांची । चला करू होळी ।

अवगुण जाळी । होळीदिनी ।।

वाईट सवयी । जाळून हो टाका ।

नाही असा मौका । पुन्हा कधी ।।

घातक त्या रूढी । गाढून टाकूया ।

चांगले वागुया । सर्वाप्रती ।।

नको उणीदुणी । नका ठेवू गर्व ।

जाळून हो सर्व । टाकू चला ।।

लावा रे बाळांनो । नैसर्गिक रंग ।

एकमकासंग । मैत्रीभाव ।।

विघातक रंग । वापरू रे नका ।

होईल हो धोका । आरोग्याला ।।

खेळायचा रंग । पळसफुलाचा ।

आणि हळदीचा । वापरूया ।।

त्या कुविचारांची । करू चला होळी ।

व्यसन हो टाळी । प्रण करू ।

कष्टाचेच खावू । प्रेमाने राहूया ।

आनंदी राहुया । सा-यांनीही ।।