हौस
हौस
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
अनेकदा मी ठरवतो
आज तूला पूर्ण वेळ द्यायचा
माझ्या हातचा चहा
सकाळी उठल्यावर तुला द्यायचा
अग नाश्ता तर तू बनवतेसच
आज बाहेर दोघांनी जावून खायचा
तुझं किचन तुझच आहे पण
आज मात्र मी आवरणार
बिछान्यावरल्या चादरीला
आज मात्र मी सावरणार
तुझ्या हातात जादू आहे
हे तर मी मान्य करतो
पण आज मी ठरवलयच
थोडीशी मालिश तुझ्या हातांची करतो
कस असत ना
तुला ग्रहीत धरतात सारे
तुझ्या कडून खाण्यापिण्याचे
लाड पुरवून घेतात सारे
पण तुला आलेल दुखणं
कोणालाच बघवत नाही
तुला हाताखाली वापरण्याची
आमची सवय काही जात नाही
तुझ्या जगण्याचा आम्ही
अविभाज्य घटक आहोत
पण तुझ्या इच्छांना ही
इथे भरारीचे पंख राहोत
म्हणूनच आज एक सागंतो तूला
थोडस टोचून बोललीस तरी चालेल मला
तुझ्या स्वप्नांना नकोस
मनात दाबून ठेवूस
तुलाही वाटत असेल की
पुरवावी तुझी हौस