गारवा

साद घाली माझ्या मना

ॠतू हिरवा हिरवा

सा-यांनाच आवडतो

गार गारवा गारवा...!!

नभ झाकाळून आले

ढग आले रे दुरून

तहानल्या भुई मग

ढग आले रे भरून...!!

गवताची पाती पाती

वा-यासंगे नाचतात

मन हिरवं हिरवं

मनी मोर नाचताता....!!

मन आनंदून गेले

धरा नटली नटली

हिरव्याच शालूसंगे

धरा थटली थटली....!!

वारा अंगाई रे गातो

मन उधान उधान

झाडाझाडातून आता

वाजतात सारे पान....!!

मन गारवा गारवा

येई अंगावर शहारे

थेंब थेंब पावसाचे

कसे फुटतात फवारे....!!

किती निसर्गाची जादू

ॠतूचक्र फिरविते

नतमस्तक होवून

धरा तुला मी वंदिते..!!