दाद

दाद द्यावी नवोदितांना

कौतुक करावे मनापासूनी

प्रतिसाद मिळताच नवागतांना

जन्मे नवकाव्य ह्रदयातूनी

कोते मन असू नये

टिका केवळ करू नये

शोधू नयेत केवळ वर्म

जाणावित तुम्ही कवीचे मर्म

नवागत कविस असते माहित 

भरपूर आहेत उणीव माझ्यात

तरीपण,सूज्ञ तुमच्यासारखे रसिकजन

करतील मजला बहुमोल मार्गदर्शन

मिळताच दाद कवीला 

सुप्त समाधान मिळे मनाला

अंकुरती मग कल्पना नव्या नव्या

स्वप्न,भावना,समस्या सार्‍या सार्‍या